Os adolescentes son sempre os culpables do vandalismo da rúa?

Antón Lestón Lago, S1E6

foto anton

Imaxe recuperada de portalba.com

Segundo a Rae, o vandalismo é o espírito de destrución que non respecta cosa algunha. É dicir, unha conduta agresiva e aparentemente inxustificada para as posesións dos demais. Lendo a definición, non encontramos razoamento de que sexa un delito propio da xente nova, nin que a maioría dos que o practican sexan adolescentes. En cambio, a prensa española encargouse sempre de encasquetar aos menores xunto a esta conduta.

O vandalismo, non se refire só ós faros retrovisores que quedan colgando, ou ós contedores de lixo que prenden lume. Un graffiti tamén é vandalismo, igual que unha pintada nacionalista. Hai moitas formas de practicar este acto que se amosa tan de acotío na nosa prensa.

Un exemplo do tema a tratar, é esta noticia publicada no Faro de Vigo o pasado oito de Decembro. Aquí, dáse por sentado que foron os mozos que saían das discotecas, os que provocaron actos violentos como, pinchar rodas, romper cristais ou mexar nos portais. É certo, que hai posibilidades de que, este acto en específico si fora realizado por xente nova. Pero o xornal non aporta unha proba de ningún tipo, nin vídeos, nin imaxes, nin declaracións de testemuñas. Ademais, se alguén tivese planeado actos coma estes, é lóxico pensar que o fixeran a esas horas, para que todo o mundo pensara nos adolescentes.

Unicamente, aportan a proba de que esas desfeitas apareceron pouco mais tarde do peche das discotecas mais próximas. Pero, rapidamente, xa relacionan discoteca con xente nova, con alcohol e con desfeita. E aí, xa está feita a conexión de vandalismo con mozos adolescentes.

Esa conexión, é algo que xa temos dentro de nós. Cando vemos un graffiti, o primeiro que se nos vén a cabeza sobre o seu autor, é alguén cunha gorra para atrás ou cunha perforación na orella. Pero se nos documentamos, a realidade é moi diferente. Os mellores “artistas” neste terreo, e a súa grande maioría, son persoas maiores de vinte e cinco anos. Por exemplo, entre os pintores de rúa mais famosos, están Blu, Roa ou Banksy, todos maiores de corenta anos e cunha experiencia maior ós quince anos.

O mesmo pasa cás pintadas, é dicir, cás frases ou os símbolos que se gravan nos muros para reivindicar algo. Eses actos non son propios de adolescentes. Son adultos que intentan reflectir o seu pensamento, a súa opinión sobre algunha temática controvertida. Pintadas como esta, non son feitas por adolescentes, pero en cambio, cando as vemos, seguimos pensando en eles como primeiros culpables.

En cambio, hai unha diferenza que se está a evidenciar nos últimos tempos. Cada vez, é mais habitual ver noticias de motoristas ou ciclistas danados cando circulaban por montes alleos. Fíos de aceiro, ocos trampa, ou material afiado para pinchar os neumáticos, son algúns dos elementos que usan os propietarios dos camiños. Parece incrible, pero cada vez é unha nova mais repetitiva nos nosos xornais. E é, un modo estúpido de reivindicar o seu pensamento sobre a posibilidade legal de que motos e bicicletas circulen polo monte, pois pode facer moito dano. Porén, ningún medio fala de vandalismo nestes casos. Aquí, saben que sería ridículo falar de mozos e mozas como presuntos culpables. Entón, é como se a palabra vandalismo, perdera a súa esencia. Pero non, é vandalismo puro, non importa se a finca é propia ou non, estes actos representan unha conduta agresiva contra persoas alleas.

De todos modos, hai que recoñecer que en moitos casos, os mozos si son protagonistas de este tipo de delincuencia. Pero é como si falaramos de que todos os romaneses de España vendesen chatarra. Unha vez mais, a crítica vai dirixida á xeneralización que fan os medios para facilitar o labor do xornalista. Igual que se un colombiano se pelexa, pertence a unha banda, se aparecen graffitis, pintadas ou retrovisores rotos, foron adolescentes. Por iso, o contraste cas fontes é un deber moi importante na nosa profesión. Estar seguros do que vamos a publicar, pensando na repercusión que pode ter esa noticia e na opinión que vai xerar nos nosos lectores ou ouvintes. Sen darnos conta, os medios criminalizan a xente nova e crean no público unha opinión desfavorable.

Referencias:

Hora de revisión e publicación:

Revisión do editor:14/04/2016-10:00

Revisión do GBO:14/04/2016-12:00

Publicación: 14/04/2016-14:55

 

Advertisements

9 comentarios en “Os adolescentes son sempre os culpables do vandalismo da rúa?

  1. Badía Deltell, Carmen (S1D2)

    O de sempre. Pecamos de non contextualizar, de dar cosas por entendidas es relacionar á xuventude có vandalismo. Como ti dis é una conexión que a maioría das persoas xa teñen interiorizado es en maior parte por culpa dos medios, que non fan por evitalo.

    O primero que deberíamos facer é diferenciar a arte co vandalismo. O barreira que os separa podería ser moi pequena se falamos de espazos comúns que pertencen ós cidadáns, xa que estes murais, graffitis ou debuxos na súa maioría son feitos sen permiso. Desde logo sempre será nintervención artísticas se a finalidade coa que se fan é a de embelecer ou dar rienda á creación do artista, non por ensuciar ou con intención de ofender a ninguén.

    Vin que mencionaste a Banksy polo que creo que este documental, Exit through the gift shop, podería ser do teu interese (http://www.filmaffinity.com/es/film821615.html). O protagonista é francés e vai introducíndose no mundo da arte urbana mentres graba todo coa súa cámara. Ademáis creo que podes botar un ollo a esta páxina, http://proyectoewa.tumblr.com/. Proxecto Ewa ten como fin chear os murais das cidades en obras de arte.

    Revisión GBO: 15/04/2016 20:35

    Gústame

    1. Lestón Lago, Antón- S1E6
      Boas Carmen, e grazas polo teu comentario. Tes razón, na miña opinión tamén habería que facer esa diferenza entre arte e vandalismo. Pero por agora, e baixo os efectos da lei, todas as pintadas, sen permiso, en espazos alleos son ilegais. Da igual a beleza que teñan. Entón, por iso falo desa culpabilidade que leva a xente nova. Porque cando vemos pintadas como esta, con permiso: http://ilusionesopticas.org/artistas/kurt-wenner/ , non pensamos nos mozos, senón nalgún adulto.

      Grazas tamén por ofrecerme a posibilidade de ver ese documental, non o coñecía.

      Gústame

  2. Negreira Chaves, Isabel. S2C5

    Non sei ata que punto os medios criminalizan á xente nova facendo esas xeneralizacións xa que é certo, por aprendizaxe, que cando un é novo pode cometer actos vandálicos, por consideralos irrelevantes, e logo canda teña mais anos lembrará as tonterías que fixo cando era novo e sorprenderase a si mesmo.
    Según a RAE:
    Delincuente: Persoa que fai unha acción ou omisión penada por a ley.
    Vándalo: Persoa con espírito que non respecta cousa algunha. Comete accións salvaxes e destrutivas.
    Por definición é posible que aos novos se lles considere vándalos xa que cando realizan accións salvaxes non solen ter un fin ou obxectivo de enriquecemento senón que fan dano gratuitamente nun momento de “calentón” http://www.elmundo.es/magazine/2004/245/1086188096.html.
    Cando medran poden pasar de ser “pequenos delincuentes” a ser delincuentes profesionais pero non deixará de ser unha minoría. A poboación en xeral sabe que algúns novos poden cometer feitos vandálicos ou falcatruadas pero non son delincuentes. http://revista.universidaddepadres.es/index.php?option=com_content&view=article&id=718&Itemid=704
    Hoxe en día os graffitis xe se consideran arte http://www.academia.edu/3127009/El_graffiti_y_los_j%C3%B3venes_Expresiones_de_una_rebeld%C3%ADa_sin_causa, non delincuencia, sempre e cando non se fagan nunha propiedade sen permiso do propietario ou nun lugar inconveniente, o que se consideraría reprobable.
    http://www.diarioinformacion.com/sucesos/2012/09/23/fiscalia-pide-danos-grafitis-sean-delito-superen-400-euros/1296974.html

    Hora de revisión e publicación:
    R, Editor:14/04/16- 21:45
    R. GBO: 14/04/16 – 21:15
    Publicación: 14/04/16 -21:55

    Gústame

    1. Lestón Lago, Antón- SiE6

      Hola Isabel, e moitas grazas pola túa aportación. Os artigos sobre os xuíces son interesantes, sobre todo o de Emilio Calatayud. Respecto ós mozos como delincuentes, eu non che discuto que haxa moitos . O que pasa, como digo no texto, é que os medios só asocian o vandalismo a xente nova. Seguro que, xa varias veces, vistes noticias como a que comparto dos motoristas no monte. E, tamén don por seguro que nesas noticias non se falaba de vandalismo.

      Pasa o mesmo, en casos coma este: http://www.estadiodeportivo.com/sevilla/2015/12/01/pintadas-nido-sevilla-sera-marbella/56157.html Aquí sábese que foron realizadas por xente mais maior, porén, non falan en ningún momento de vandalismo. Iso é o que hai que cambiar. É certo, que hai mozos vandalos, pero tamén adultos, e parece que deso, a cotío, os medios se olvidan.

      Gústame

  3. Rodríguez Vicente, María – S3C1

    Ola Antón, para comezar gustaríame dicir que estou do teu bando en moitas das cousas que dis, comezando pola xeneralización que fan os medios deste tipo de colectivos co único fin de facilitar a labor do xornalista, Sen embargo penso que se trata, en parte, dunha realidade. Debido aos cambios corporais, as esixencias dos pais ou a presión que exerce sobre eles a sociedade, os adolescentes están sometidos a unha gran carga de angustia. Estes cambios fan que se refuxien en grupos con mecanismos de defensa que lles aporten esa sensación de seguridade que precisan algunhas veces. Quizáis por iso nesta etapa da vida, se comporten dunha maneira descontrolada, dando lugar aos xa citados actos vandálicos.

    A pesar de todo isto, é ben certo que en ningún momento se debe xeneralizar, pois so unha porcentaxe dos xóvenes se corresponden con esta descripción. No momento en que a maioría de acontecementos deste tipo están protagonizados por este colectivo os medios toman a iniciativa propia de tachar a todos os adolescentes de perigosos ou salvaxes. Un erro cada vez máis común e peor recibido pola sociedade. Unha cousa hai que ter clara, canto máis nos fagan crer os medios que existe unha gran relación entre o vandalismo e a adolescencia, maior vai ser a convicción dos xóvenes de que ter este tipo de comportamentos é normal para a idade que teñen.

    Deixo aquí un enlace moi interesante que explica claramente os distintos tipos de vandalismo que existen.

    http://www.saludemia.com/delincuencia-juvenil/vandalismo

    Un saúdo!

    Data de emisión do comentario: 15/04/2016- 12:29
    Data de revisión do GBO: 15/04/2016- 13:24
    Data de publicación do comentario: 15/04/2016- 14:22

    Gústame

    1. Lestón Lago, Antón- S1E6

      Boas María, estou moi de acordo contigo, no que dis sobre que os medios poden influenciar, de maneira moi negativa, na xente nova. Que sempre asocien o termo xuvenil xunto co de vandalismo está a ser unha costume que xa moitos temos interiorizada. E iso, como explicas, pode facer que, os mozos que se ven tentados a cometer este acto, teñan un motivo máis, por ser algo case normal.

      Ademais, como xa dixen no texto e nos anteriores comentarios, é certo que hai unha gran cantidade de adolescentes que provocan o vandalismo. Pero, o meu interese principal no texto, era dar conta da diferenza de tratamento, cando eses actos os fai un adulto. Porén, cabe recordar, que aínda que, si, moitos adolescentes sexan culpables, a xeneralización pode levar a moitos malentendidos. O que está claro, é que o xornalismo actual parece que xa ten definidas etiquetas predeterminadas para cada noticia. E iso, é un gran problema a solventar.

      Gústame

  4. Rodríguez Losada, Adrián (S3D3)

    Cada un de nós peca de xeneralizar cada día que abrimos a nosa boca, pero unha cousa é xeneralizar cos teus amigos e outra moi distinta nun medio de comunicación, aberto ao público.
    O vandalismo como tal existiu sempre, e, moi probablemente existirá sempre, pero o vandalismo como tal pode ser de distintos tipos, vengativo, tñácito, ideolóxico, deixo nesta ligazón unha explicación de cada un deles que permite coñecer mellor o que verdadeiramente é o vandalismo : http://www.saludemia.com/delincuencia-juvenil/vandalismo.

    Como ben dis no teu artigo o vandalismo non só e romper papeleiras senóin tamén os graffitis, etou dacordo con que algúns graffitis son obras de arte urbanas, pero en moi ocntadas ocasións as queixas veciñais van dirixidas a graffitis artísticos, senón a pintadas que non son maís que nomes.
    Deixo aquí un artigo que trata este tema e penso que pode ser do teu interese : http://cav.org.ve/cms/index.php?option=com_flexicontent&view=items&cid=173:foro-de-la-ciudad&id=1032:igraffiti-arte-o-vandalismo-urbano&Itemid=74

    E centrándonos no tema do que ti falas, tes moita razón. Propoño que calquera entre en internet e escriba : vandalismo e que observe cales son as opcións de páxinas que alí nos amosan : vandalismo juvenil é unha das primeiras páxinas, polo que sí, o vandalismo asociase á xuventude.
    Analizando externamente este tema podemos pensar que os xóvenes son máis propensos a ir en contra das normas, de ser maís reivindicativos, e unha das mellores formas de transgredir as normas e a través do vandalismo, pero eso non significa que temos que dar por feito que calquera acto vandálico ten que ser cometido por un adolescente.
    Papeleiras quemadas, graffitis ou cabinas telefónicas rotas a causa dunha manifestación son algúns exemplos de vandalismo cometido por persoas de calquera tipo de idade.

    Os medios de comunicación pecan de xeneralistas por vagancia e costume como ben dis, a idiosincracia e total, deben ser conscientes do tremendo poder que teñen sobre a sociedade e esforzarse o máximo para que asuntos coma estes non caían na xeneralización.

    Data de emisión do comentario: 15/04/2016- 13:23
    Data de revisión do GBO: 15/04/2016- 13:58
    Data de publicación do comentario: 15/04/2016- 16:15

    Gústame

    1. Lestón Lago, Antón- S1E6

      Ola Adrián, grazas polas túas achegas. O primeiro enlace, sobre os diversos tipos de xornalismo, xa o consultara. E , de aí, cando menos unha terceira parte (Ideolóxico e táctico), non está case nunca organizado por adolescentes. Dos demais, só do lúdico e do perverso, podería falarse, propiamente, como vandalismo xuvenil. Así, vemos entón que, respecto a ese enlace, lle correspondería o mesmo porcentaxe de tipos de vandalismo ós adolescentes que ós adultos. Porén, é evidente que nós tampouco vamos a xeneralizar e a etiquetar cada tipo de vandalismo.

      Respecto o que aportas sobre os graffitis, concordo en que moitas veces se debería chamar arte. Pero, non debemos esquecernos, que sempre que se faga nunha propiedade allea, estase quebrantando a lei, e polo tanto cometendo vandalismo. Sen importar aquí, a beleza da pintada, sexa un nome ou un mural.

      Gústame

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s