A biblioteca do Observatorio

Logo deste tempo, facendo un balance, o equipo de axenda e arquivos trata de pór perspectiva sobre o traballo destes meses. Tendo en conta as diferentes áreas dende as que se traballaron, e tamén a todos os integrantes do Observatorio, é convinte destacar a labor que desempeñou a plantaforma de documentación e axenda. No blogue mantense un proceso documental con apartados organizados en: bibliografía, libros e textos da materia, textos xornalísticos, glosario conceptual e temático, arquivos audiovisuais, memorias, apuntamentos, enlaces e calendario. Todos eles valoran, seleccionan, clasifican e arquivan os materiais utilizados para o seu posterior uso en traballos, e así garantir unha difusión de información veraz. O traballo é levado a cabo por: Elisa Piñón (S3D1), Laura Nogueira (S3D2), Raúl Novoa (S3D3), Diego Tomé (S3D4), Jesús Veiga (S3D5), Laura Yáñez (S3D6), Jennifer Sandoval (S3D7) e Lucía Nohely Trolia (S3D8).

Os pros e contras de axenda e arquivos

A pesar das dificultades de comunicación que se produciron en dous ámbitos diferentes – o interno, no propio Observatorio, e o externo, en canto á visibilización no blogue – as actividades realizadas foron sempre en beneficio dos nosos lectores. Porén, as melloras son visibles e necesarias para poder acadar todos os obxectivos que foron propostos cando se comezou con esta tarefa. Estes dous problemas, que se sinalan, tiveron consecuencias que foron contraproducentes. Dende este punto de vista, a comunicación, que o propio Observatorio ten como epicentro temático, non foi a axeitada na resolución de problemas internos que foron xurdindo. É dicir, o feedback puido ser mellorable, así como, as posibilidades que debería ofertar o blogue. Con posibilidades preténdese destacar a escasa visibilización da que dispuxo este apartado dentro do Observatorio. Isto non quere dicir que este ámbito de traballo teña que ser o máis visibilizado, pero si debería ter adquirido certa presencia, por exemplo, nas redes sociais ou noutro lugar dentro do blogue.

De tódolos xeitos, o traballo deste equipo veuse reflictido como un instrumento para lograr a harmonía na organización do Observatorio. A ampla documentación que se manexou converteuse nunha complicada tarefa que obstaculizou, en moitos casos, a difusión de contidos. Porén, o espazo no que se traballou (apartado de Arquivos e Axenda) estivo sempre actualizado e a disposición de todo aquel que quixese acceder a el. Ademais, non só foi un traballo puntual, senón que ao longo de toda esta etapa, foi requerida a constancia e a achega de información para diversos temas. Non foi un traballo concreto nunha temática, senón que abarcaba todas as áreas presentes no blogue.

Forma de traballo

Todos os temas que pasaron polo Observatorio, tamén pasaron polo ámbito de axenda e arquivos. Desta forma, cumpriuse a función de filtro, para facilitar o acceso a unha boa información e documentación que enriqueceu tanto aos lectores, coma aos propios participantes do blogue, redactores dos posts. Nesta mesma liña, a aportación de novos conceptos, agrupados no glosario conceptual, así como eventos relacionados coas temáticas tratadas e textos sobre comunicación, foron ferramentas que se puxeron a disposición tanto dos integrantes como doutras persoas alleas ao Observatorio, pero interesadas polas diversas temáticas e o mundo da comunicación. Hai que destacar tamén a labor audiovisual á que nos encomendamos na procura de agradar a todos os visitantes ao blogue que prefiren contidos máis interactivos (como o son o vídeo e o audio).

En conxunto, todo isto non é de vital importancia, mais si que é certo que axuda a un bo funcionamento do Observatorio. Isto poderíase resumir en: organización grupal, acceso á información e servizo aos propios membros do blogue. Estes tres piares son a base na que se sustenta o traballo desta área, que optou polo compañeirismo e non pola xerarquía. Isto é moi importante porque a comunicación interpersoal que se intenta lograr, non pasa polo filtro dos rangos xerárquicos, senón que necesita dunha conversa horizontal, non vertical, como a miúdo acontece. O que fixo posible esta interacción a través da comunicación interpersoal, foi o feito de ser poucas persoas a traballar neste ámbito, pero enténdese que de medrar en número de integrantes, quizais, sería preciso unha certa orde xerárquica.

 

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s