S1D
No noso círculo trataremos aqueles problemas do sistema educativo aos que non se lles dá a suficiente atención nos medios. Falaremos, por exemplo, das carencias pedagóxicas derivadas do sistema, da visión dos pais sobre a educación dos seus fillos e da atención a persoas con diversidade funcional ou altas capacidades.
S1B
A precariedade ao longo da vida laboral é un tema do que existe unha conciencia xeral, mais a miúdo o único tratamento que recibe este tema é a través de charlas triviais, mesmo queda apartado dunha hipotética imaxe do futuro. Tamén é un tema coñecido de forma superficial por unha boa parte do alumnado cando decide matricularse neste grao. Seguir lendo “Canto custa un emprego no xornalismo?”
S1C
Imos desenvolver diferentes puntos ao longo das reunións programadas co círculo. En primeiro lugar, falaremos do papel das ONGDs na sociedade actual e as tarefas que desenvolven. Buscamos indagar no tratamento destas organizacións nos medios e facer unha pequena análise das súas estratexias de comunicación. Outro dos aspectos importantes a tratar é a súa financiación, moi ligada á concienciación, transparencia e implicación da cidadanía nas problemáticas que afrontan. Ademais de todos estes obxectivos, queremos estudar a relación do noso tema co terceiro sector e a súa relevancia no panorama actual.
S1A
O colectivo LGTBI (lesbianas, gays, transexuais, bisexuais e intersexuais), sendo un dos grupos sociais máis fortes, segue a sufrir en ocasións un trato discriminatorio. Os medios de comunicación funcionan como unha fonte de coñecemento para a cidadanía, e adoitan contribuír á integración do colectivo. Porén, ás veces os xornalistas máis alá de axudar o único que fan é prexudicar mediante a banalización da súa situación, a un grupo social que agora atopa novas dificultades.
Seguir lendo “Colectivo LGTBI e medios, unha relación tensa?”
S2A
A comunicación é un dereito, e os medios comunitarios participan neste exercicio de comunicar á cidadanía, pero dun xeito moi diferente ós medios convencionais ou masivos. Coa nosa proposta sobre medios comunitarios, alternativos e populares queremos difundir o papel actual que teñen na nosa sociedade, e en adición, remarcar o que son e o seu funcionamento á cidadanía. Ademais, pretendemos coñecer a súa opinión con respecto ós medios de comunicación de masas e o tratamento informativo imperante. Seguir lendo “Dando voz aos Medios Comunitarios”
TOUCEDA ANELLO
Abordaremos a temática da mobilidade en Compostela dende tres puntos de vista: a accesibilidade, o transporte urbano e os problemas do tráfico. Coas nosas achegas pretendemos amosar as carencias da vía publica e as dificultades que estas supoñen para os cidadáns na súa vida cotiá. Asemade, buscamos dar a coñecer os obstáculos aos que certos colectivos teñen que enfrontarse polo mal estado da mesma.
Seguir lendo “A mobilidade en Santiago: carreira de obstáculos”
S3D
Como xa explicamos na entrada de presentación, o asunto no que queremos afondar nos próximos meses é o “audiovisual participativo”. Tamén se coñece como “audiovisual reivindicativo”, xa que os grupos que se dedican a isto céntranse en temas apenas tratados na prensa. Estes equipos de traballo pretenden dar visibilidade a aqueles conxuntos máis descoñecidos ou desfavorecidos da sociedade, así como mostrar os conflitos sociais que nos rodean e que parecemos querer esquivar.
Observatorio Cidadán de Comunicación 