A enerxía mareomotriz, próximo obxectivo nas costas galegas

A enerxía maremotriz e a undimotriz son das enerxías con maior proxección de futuro no mundo. Durante o 2019 intaláronse dúas novas plantas, sen contar as que están en proceso de experimentación.  A vantaxe principal das mareas que producen este tipo de enerxías é que son predicibles e inagotables. Polo tanto, para cumprir as expectativas europeas da Axenda 2030, o desenvolvemento da enerxía maremotriz é fundamental. E Galicia quere aproveitar o seu potencial costeiro con propostas como o Proxecto Magallanes.

A ventaxe deste tipo de enerxías é que son predecibles e inesgotables.

Dende hai algo máis dunha década, Galicia estivo á cabeza na carreira tecnolóxica das diferentes enerxías renovables. A día de hoxe, é unha das rexións europeas que xa cumpre moitos dos parámetros esixidos pola Unión Europea en canto á porcentaxe de enerxía renovable producida sobre o total da enerxía (56% en 2018) segundo datos do INEGA. Pero malia posuír esta gran porcentaxe de enerxía renovable, a enerxía mareomotriz aínda non está moi desenrolada en Galicia, pois dentro deste dato, seguimos sendo moi dependentes do vento, nun 47%.

Por outra banda, isto non quere dicir que Galicia non estea traballando en mellorar estes datos… Dende moitos sectores públicos e privados, estase continuamente a traballar na posta en marcha da enerxías hidráulica, undimotriz e mareomotriz. Sen ir máis lonxe, numerosos estudos sitúan a nosa comunidade como a mellor posicionada de España no que respecta a enerxía mareomotriz. É unha das rexións do mundo, xunto con Escocia e os mares do sur de Gales, en posuír fluxos marítimos moi acordes á produción deste tipo de enerxía.

Por situarnos nesta carreira tecnolóxica da enerxía mareomotriz ou undimotriz, a continuación pasaremos a detallarvos dous dos proxectos máis importantes que se levaron a cabo e se seguen mellorando nestes últimos anos. O primeiro deles é LifeDemoWave, neste proxecto traballan varios grupos de enxeñeiros da Universidade de Vigo e demais profesionais de empresas do sector das renovables. Financiado con 1,8 millóns de euros, grazas ao plan Life da Unión Europea. Finalmente no ano 2018 puideron probar en punta Langosteira o seu primeiro prototipo, “Gelula”, unha boia de 12 toneladas coa que poder aproveitar a enerxía xerada polas ondas do mar.

Seguindo a estela deste proxecto, temos o Proxecto Magallanes, unha idea tamén xurdida en Galicia, de man de Magallanes Renovables, e en parte financiada por fondos europeos. Coa que tamén no ano 2018 se ensamblou o primeiro prototipo no porto de Vigo, unha infraestrutura capaz de xerar entre 3.500-5.200 MWh ao ano. Para que nos entendamos, un volume de enerxía que cubiría o consumo de 500 vivendas. A día de hoxe o prototipo atópase en testamento pola EMEC, coa vista posta en converterse nun proxecto moi viable, con firma galega.

A enerxía predicible das correntes convértea nunha enerxía completamente limpa e de gran crecemento a curto prazo. Contan cun desenvolvemento tecnolóxico punteiro que non produce ningún disturbio crítico para a vida dos ecosistemas mariños nin para o medio ambiente

O proxecto quere revolucionar a forma que temos actualmente de producir enerxía

O Proxecto Magallanes nace co único obxectivo de desenvolver unha tecnoloxía para xerar electricidade a partir das correntes mariñas. Quere revolucionar a forma que temos actualmente de producir enerxía, e que ampliaría os límites humanos que aínda ven o mar unicamente como unha gran masa de auga chea de recursos naturais pero carente de interese para as enerxías renovables.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

This site uses Akismet to reduce spam. Learn how your comment data is processed.