Fame e agricultura

O noso grupo compónse, de esquerda a dereita por: Laura García Vázquez (coordinadora), Antía Cuadrado Grande (documentación),  Paula Fernández Blanco (axenda), Pablo Diaz Cuiña (actividades) e Diego Iglesias Freire (difusión). Imos tratar o tema de Fame Cero, que se enmarca dentro dos 17 Obxectivos de Desenvolvemento Sostible (ODS) promovidos pola Organización das Nacións Unidas (ONU) para a súa Axenda 2030. 

Coa nosa proposta pretendemos poñer en contexto e dar visibilidade á situación de fame que viven moitas persoas na nosa comunidade xa que as veces podemos ter a percepción de que este tema tócanos de lonxe, e non é así, por iso queremos amosala dende diferentes perspectivas e buscar solucións para rematar con estas situacións. 

Por outra parte, tamén queremos dar a coñecer os procesos do sector agrícola e da agricultura sostible; para tratar as debilidades da producción de alimentos e posibles medidas e propostas de mellora xa que o sector alimentario e o sector agrícola poden ofrecer solucións claves para o desenvolvemento e son vitais para a eliminación da fame e da pobreza.

Glosario


Para que a comprensión do noso traballo se faga máis fácil imos achegar un serie de termos útiles:

Fame: Insatisfacción da necesidade de alimentarse, por causa da escaseza de alimentos, da falta de medios para conseguilos, etc,..

RAG [en liña]. Dicionario online da Real Academia Galega (2020). Consultado o 28 de febreiro 2020. Dispoñible en: https://academia.gal/dicionario/-/termo/busca/fame

Sector agrícola: É o sector da economía que produce produtos agrícolas (materias primas de orixe vexetal). Son aquelas actividades que comprende a explotación directa dos recursos naturais do solo, do subsolo ou do mar.

WIKIPEDIA [en liña]. Sector agrícola (2018). Consultado o 28 de febreiro 2020. Dispoñible en: https://es.wikipedia.org/wiki/Sector_agr%C3%ADcola

Agricultura: Cultivo da terra co obxecto de obter dela produtos útiles ao home, particularmente para a súa alimentación.

RAG [en liña]. Dicionario online da Real Academia Galega (2020). Consultado o 28 de febreiro 2020. Dispoñible en: https://academia.gal/dicionario/-/termo/busca/Agricultura

Horta: Terreo de pouca extensión onde se cultivan fundamentalmente verduras, legumes e hortalizas e tamén nalgúns casos árbores froiteiras.

RAG [en liña]. Dicionario online da Real Academia Galega (2020). Consultado o 28 de febreiro 2020. Dispoñible en: https://academia.gal/dicionario/-/termo/busca/horta

Sostibilidade: Característica da evolución que preservar, manter ou mellorar a calidade dos recursos e dos equilibrios naturais, así como velar polo futuro.

RAG e Fundación Barrié [en liña]. Portal das palabras (2020). Consultado o 28 de febreiro 2020. Dispoñible en: https://portaldaspalabras.gal/lexico/palabra-do-dia/sostibilidade/

Dereito alimentario: É a rama do dereito encargada da supervisión e control de todo o relacionado coa alimentación, tanto humana como animal, dende a industria ata a mesa. O dereito alimentario vixía rigurosamente o proceso de manufactura dos alimentos dunha maneira moi practica, vinculando tamén ao consumidor, xa que é o quen da o veredito final da calidade do produto. Este campo xurídico contempla entre as súas responsabilidades a creación dun sistema de leis o cal regula a forma na que elabórase la comida.

CONCEPTODEFINICIÓN [en liña]. Definición de dereito alimentario (2019). Consultado o 28 de febreiro 2020. Dispoñible en: https://conceptodefinicion.de/derecho-alimentario/

Seguridade alimentaria: A nivel de individuo, fogar, nación e global, conséguese cando todas as persoas, en todo momento, teñen acceso físico e económico a suficiente alimento, seguro e nutritivo, para satisfacer as súas necesidades alimenticias e as súas preferencias, co obxectivo de levar unha vida activa e sana.

Organización das Nacións Unidas para a Agricultura e a Alimentación (FAO), dende a Cume Mundial da Alimentación (CMA) de 1996.

Publicacións


A seguridade alimentaria e o dereito á alimentación

En pleno século XXI, existen millóns de persoas que pasan fame a diario a pesar da riqueza que se xera constantemente e do potencial agrícola do que dispoñemos, a fame afecta a máis de 820 millóns de persoas no mundo. Os países pobres necesitan os instrumentos de desenvolvemento, económicos e de política precisos para impulsar … Seguir lendo A seguridade alimentaria e o dereito á alimentación

Sor Alicia Lourido: “Moita xente que viviu ben no pasado necesita agora acudir ao comedor económico ”

Os Obxectivos de Desenvolvemento Sostible buscan terminar con todas as formas de fame e desnutrición. Esta tarefa implica promover prácticas agrícolas sostibles para a produción de alimentos. Sen embargo, se esta produción non chega a todas as mans necesarias, seguiríamos a falar de situacións de pobreza alimentaria. Non só é importante quen produce alimentos, tamén … Seguir lendo Sor Alicia Lourido: “Moita xente que viviu ben no pasado necesita agora acudir ao comedor económico ”

Luz Eyo, coordinadora do programa “Hortalíza-te”: “Hortalíza-te está impregnando todas as hortas de Santiago.”

Como xa falamos na publicación “Da horta á neveira e á despensa”, as hortas convertéronse nun movemento urbano imparable. En Santiago de Compostela hai cerca de 300 hortas e o número segue aumentando xa que a súa demanda vai en aumento. O proxecto “Hortalíza-te” é un dos artificieiros desta crecente demanda xa que moitos xoves … Seguir lendo Luz Eyo, coordinadora do programa “Hortalíza-te”: “Hortalíza-te está impregnando todas as hortas de Santiago.”

Concurso de carteis: Fame cero

O noso equipo adicado ao obxectivo Fame Cero, está traballando nunha serie de proxectos e actividades relacionadas con este tema, un dos dezasete Obxectivos de Desenvolvemento Sostible. Para concienciar tamén aos máis xoves, decidimos levar a cabo un concurso de carteis no nivel de 1º da ESO do instituto Val Miñor de Nigrán (Pontevedra). En … Seguir lendo Concurso de carteis: Fame cero

Da horta á neveira e á despensa

A agricultura de subsistencia é un modo de agricultura na cal unha parte da terra produce só unha vez ao ano o suficiente como para almacenar alimentos para os agricultores que traballan nela a través da súa actividade diaria normal. En función do tipo de terreo, cultivo, desenvolvemento da plantación, técnicas agrícolas, etc., estimouse que … Seguir lendo Da horta á neveira e á despensa

Os anos da fame en Galicia

O pasado século, a Galicia das filloas, as castañas, o pan de cea, o bacallau, as sardiñas, os cachelos e a empanada pasou por tempadas de duras fames. O bo comer dos galegos dependía das estacións, os temporais e, sobre todo, da condición social da que gozasen. Os campesiños máis pobres, os bodegueiros, empregaban as … Seguir lendo Os anos da fame en Galicia