S2A

“É necesario que existan, axudan moitísimo. Anos atrás había demasiadas especies en perigo de extinción pola sobrepesca e as cotas axudaron a remedialo. As cousas fanse sempre por algo. Por exemplo, aquí en Arcade se non tivésemos cotas das amexias acabaríamos coa vida mariña en moi poucos meses, xa que non terían tempo para reproducirse”, declara a expatroa da Confraría de Arcade, Rita Míguez, cando se lle pregunta pola súa opinión sobre o establecemento de cotas de pesca para determinadas especies mariñas. Rita Míguez amósase a favor delas, ao igual que Basilio Otero, Patrón Maior da Confraría de Burela e Presidente da Federación de Confrarías de Lugo, quen defende que axudan a protexer o medio mariño e a manter os prezos: “sempre se esquece a parte socioeconómica e son útiles para iso, axudan a manter as especies”.

Seguir lendo “Distintas perspectivas da pesca: Cotas e acuicultura”

S2A

“A pesca furtiva inflúe a todos os niveis, non so á pesca profesional. Falamos de especies vetadas, de tamaño ilegal, da pesca de recreo encuberta ou de superar os 5 quilos para consumo propio, que acaban no mercado, aumentando a oferta de produtos, o que provoca unha baixada de prezos e unha competencia totalmente desleal.”, di José Manuel Martinez, Patrón Maior da confraría de Fisterra.

Seguir lendo “Furtivismo na Costa da Morte”

S2A

A canle de Fisterra foi creada en maio do ano 1994 e, segundo as cifras rexistradas no Dispositivo de Separación de Tráfico Marítimo de Fisterra, a través dela pasan cada ano arredor de corenta mil barcos de tódalas partes do mundo, o que se corresponde con máis dun cento ao día, cifras que incluso duplican o tráfico da Canle de Suez, recentemente de actualidade. Nos seus inicios, tras o acordo da Organización Marítima Internacional (OMI), a canle contaba cun carril por sentido para a circulación de todos os buques, un en dirección ao norte e outro ao sur, pero moi pegados á costa. Non obstante, despois da catástrofe medioambiental provocada polo Prestige, a súa situación mudou. A partir dese momento, engadíronse dúas vías a maiores que facilitaron a circulación de buques e barcos pesqueiros e reduciron os riscos de accidentes.

Seguir lendo “A ampliación da Canle de Fisterra: Cambios que salvan vidas”

S2A

A pesca é un sector económico con gran peso en Galicia. Segundo un artigo do Grupo de Investigación en Economía Pesqueira e dos Recursos Naturais da USC, en 2011 o sector pesqueiro galego acadou uns benefizos de 3.705,4 millóns de euros. Nese mesmo ano, o sector empregaba a 31.365 persoas. Dez anos máis tarde, aínda que a industria segue sendo un pilar fundamental para a economía galega, a situación mudou significativamente: maiores restricións para os mariñeiros, diminución das especies e dos ecosistemas, aumento de pescadores furtivos, etc.

Para analizar a situación da pesca actual decidimos centrarnos nas Rías Baixas, polo que contactamos coa Confraría de San Francisco en Vigo e coa Confraría de Arcade, ademais de falar cun pescador furtivo.

Seguir lendo “O furtivismo, problema endémico da pesca en Galicia”

S2A

Nunca Máis é unha plataforma cidadá ademais dun movemento popular galego constituído para reclamar responsabilidades medioambientais, xudiciais e políticas polo desastre do petroleiro Prestige ocorrido o 13 de novembro do 2002. Esta asociación foi creada o 23 de novembro dese mesmo ano, co símbolo característico da bandeira galega cun fondo negro en lugar do branco habitual no que aparece o lema Nunca Máis. Para afondar máis nas actividades e no significado da plataforma contamos coa colaboración de Bieito Lobeira, un dos portavoces da plataforma que actualmente obra como representante para asuntos pesqueiros e marítimos e como presidente da Comisión de Educación e Cultura do Parlamento dentro do partido político BNG.

Seguir lendo “NUNCA MÁIS, a plataforma que deu voz a un pobo tinguido de negro”

S2A

O afundimento do Prestige foi unha das maiores catástrofes medioambientais de España. O buque, cargado con 77.000 toneladas de fuel, sufría unha vía de auga provocada por un forte temporal como consecuencia do mal estado de conservación da nave. O petroleiro quedou á deriva durante seis días ata que finalmente, o 19 de novembro do 2002 remata partindo en dous e afundindo a 246km da Costa da Morte.

As augas azuis quedaron substituídas por unha gran marea negra que comezou a tinguir a costa e a súa fauna de negro. O primeiro vertido supuxo unhas 6.000 toneladas de fuel, pero ao partirse o buque sumáronse outras 5.000, inundando 745 praias dende Galicia ata o País Vasco.

Arredor de 14.000 toneladas de fuel permanecen nos tanques do petroleiro Prestige, afundido a 4km de profundidade segundo os cálculos de Repsol YPF. En decembro de 2002, o Goberno asegurou que quedaban 37.000, polo que iso significa que o buque​ verteu ao mar 63.000 toneladas de cru dende que se accidentou. En total, foron unhas 90.566 toneladas de area e cru as que se retiraron só durante o primeiro ano de traballo posterior ó primeiro vertido.

Seguir lendo “O desastre do Prestige dende os ollos do pobo”

S2A
A contaminación mariña é un dos grandes retos aos que se enfronta a humanidade. Ademais de ser unha problemática que carrexa grandes consecuencias sobre o medio mariño e os seus recursos naturais, tamén afecta especialmente á flora e á fauna, elementos imprescindibles para a autorregulación e mantemento dos océanos que ademais proporcionan alimentos e recursos ao ser humano.

Para profundizar no tema, contamos coa colaboración de dous expertos en contaminación mariña: Jorge Fernández Rodríguez, oceanógrafo, educador e intérprete mariño; e Lucía Viñas Diéguez, química especializada en contaminación do Instituto Español Oceanográfico (IEO).

Seguir lendo “Contaminación mariña: desastres naturais e efectos sobre as augas de Galicia”