FREIRE PICÓN E LÓPEZ FERNÁNDEZ

Despois de case tres meses de reunións, charlas e mensaxes cos artistas integrantes do noso círculo, chegou a hora de escoitar as súas valoracións e opinións. O noso elenco de colaboradores estivo integrado por Xoana Almar, muralista de Cestola na Cachola, Pablo Castiñeira, bailarín e xestor de Vella Escola Cultura Urbana, Alicia Groba, cantante, Deiviz Kostoya, pintor e xornalista, Mariña Longa, ilustradora detrás do perfil Queixumes, Elisa Sánchez, cantante e activista, Andrés Toimil, músico, e Ángel Vidal, fotógrafo profesional. Neste vídeo son eles os que xulgan o noso traballo e avalían o proxecto, a experiencia e os resultados do mesmo. Seguir lendo “A voz dos nosos colaboradores”

GRANDE SANTALLA

Despois de varios meses tratando man a man cos artistas que integraban o noso círculo, chegou o momento de poñer punto e final a todo o traballo realizado. A acción consistiu nun evento cultural celebrado na Sala Riquela, no que os activistas creativos foron os protagonistas, levando a cabo un interesante faladoiro no que debateron e expuxeron algunhas das cuestións abordadas nas reunións: definiron o activismo e os espazos que este ocupa nunha cidade como Compostela, explicaron os vínculos entre a cultura e o compromiso, así como entre os artistas e os activistas, que para algúns dos participantes veñen a dar nome ao mesmo, e dialogaron sobre o escenario acerca das trabas e limitacións coas que se atopan á hora de sacar adiante o seu traballo, non sen antes pór en evidencia a ignorancia e o descoñecemento de cidadáns e institucións no que ao mundo da creatividade se refire.

Seguir lendo “Compostela: cidade artista”

(fotografía tomada por Amabel González Troncoso)

AMABEL GONZÁLEZ TRONCOSO, doutoranda en Historia da Arte na USC.

Santiago de Compostela

Para entender ben a súa natureza e comprender o que significa o graffiti galego no seu contexto debemos botar unha ollada atrás na historia. Como con tantas outras cousas, só así poderemos entender a súa orixe e teremos unha perspectiva sobre a súa situación actual e o seu futuro. Aínda que pareza algo de hoxe, este tipo de activismo e de arte urbana en Galicia leva moitos anos na rúa. O problema é que case ninguén pode dicir con datos concretos que isto é así. Seguir lendo “Un percorrido a través da historia do graffiti galego”

GALA MARTÍNEZ-ROMERO MARTÍN, xornalista.

Santiago de Compostela

O tecido cultural dunha poboación, sexa do tamaño que sexa, pode ser sostido por diferentes axentes: os que proveñen da inversión privada -empresas ou individuos-, da inversión pública -espazos ou institucións- ou da sociedade civil -colectivos, asociacións, centros sociais…-. Se entendemos a cultura e a arte como un medio necesario de expresión e de cohesión social, asumimos a importancia da súa existencia e da súa defensa.

Seguir lendo “Apuntes sobre unha Compostela alternativa”

FARIÑAS TORRES E FREIRE PICÓN

Cafetería Airas Nunes

Cultura e compromiso son dous termos que adoitan ir ligados. E con motivo. Se unha persoa se pon diante da axenda cultural de calquera cidade –tamén de Compostela– halle custar moito atopar un evento no que, directa ou indirectamente, non se aborden temáticas e problemas sociais. Nós non o atopamos.

Seguir lendo “Cultura e compromiso”

FARIÑAS TORRES e FREIRE PICÓN

“A xente está nas rúas e participa nas rúas, pero eles van por outro lado, xerando proxectos a nivel comercial moi á marxe”. Con estas palabras, Pablo Castiñeira sinala ós diferentes órganos de goberno polas fallas entre as necesidades dos usuarios e os plans de urbanismo para as disciplinas alternativas. Trátase dunha falta de diálogo pois, tal como explica o xestor de Vella Escola Cultura Urbana, as persoas ás que estarían destinadas estas estruturas tan só piden un chan liso e catro módulos de skate, pero ben ordenados, posto que os xa construídos non se adaptan ó que eles precisan. O problema está en que “non se lles escoita”. Seguir lendo “Activismos creativos: cal é o seu lugar?”